«Мектеп денсаулық ортасы бола ала ма?» атты медицина қызметкерлерімен кездесу өтті

8-11 сынып оқушыларының қатысуымен Жуалы аудандық ауруханасының жалпы тәжірибелік дәрігері Дәуренова Балжан және «Жастар денсаулығы» орталығының медбикесі  Сейтаева Венерамен кездесу ұйымдастырылды. Кездесу барысында В.Сейтаева оқушыларға «Салауатты өмір салты (СӨС) — бұл ең әуелі денсаулықты сақтауға және нығайтуға бағытталған сауықтыру жолындағы белсенді іс-әрекет. Өмір Адамның өмір салты өздігінен қалыптаспайды, ал салауатты өмір салты өмір сүру барысында мақсатты түрде қалыптасады. Қазіргі мәліметтер бойынша денсаулық 53-55%- ға салауатты өмір салтына тәуелді болады. Бұдан салауатты өмір салтын ұстанудың қаншалықты маңызды екендігі айқын байқауға болады»-деп айтты. Жалпы тәжірибелік дәрігер Б.Дәуренова оқушыларға жіті респираторлық вирустық инфекциялардың және тұмаудың алдын алу туралы ақпарат берді. Ақпарат барысында ЖРВИ-дің белгілері, диагностикасы мен емдеу жолдары, қауіптілігі туралы атап өтті. Мектепте өзгелермен қарым-қатынас болатындықтан үнемі бетперде тағу керектігін, әр 2 сағат сайын бетпердені ауыстыру қажет екендігін, қолданылған бетперделерді арнайы бетперде тастайтын қоқыс жәшіктеріне тастау керектігін, қолды антисептиктермен жиі жууды, сынып бөлмелерін жиі желдетуді, арнайы кестеге сәйкес сынып бөлмелеріне кварцтық шамдарды қосуды, оқушыларда өздерімен бірге қайнаған судың болуын және үнемі жеке бас гигиенасын қатаң сақтауды ескертті. Оқушыларға денсаулықтарында жайсыздық туындағанда немесе белгілі бір ауру түрлерінің алғашқы белгілері байқалғанда міндетті түрде дәрігерлерге қаралуға және дәрігерлердің рұқсатынсыз, тағайындауынсыз                                 дәрі-дәрмектерді қолданбау бойынша кеңестер берді.